影片
更多
2018-09-25
540 瀏覽
已經唔記得係第幾次幫襯位於藍田匯景商場既手卷屋，起初係被佢既鎮店既原燒玉子吸引，厚厚既玉子加上秘制醬汁包住d 飯都只係十蚊件間唔中會自己走去食兩件今日食既除左例牌玉子，仲揀左以下既壽司例牌厚燒玉子x3 (hkd10@1)：滿分唔使多講（不過唔好貪心，食太多件d 醬可能會令你覺得漏） 炙燒左口魚x2 (hkd11/hkd12@1)： 唔係張menu 到，係痴左係鋪頭既櫃身，好似係10蚊定11蚊件，加1蚊可以變灸燒 咁緊係加啦，果然入口即溶 不過可惜既係佢太多單話要半個鍾後先拎得， 後尾去左食其他小食頂住肚先，遲左番去拎搞到無咁熱無得即食，唔係一定仲好味呀之後仲有三文魚腩x2 (hkd8@1) :我最鍾意食三文魚腩，肥美新鮮，平靚正之選日本象拔蚌x1 (hkd9@1):見人叫我又叫系列，少少爽脆，都幾特別，口感有d 似赤貝 但赤貝再爽d,可以一試，不是特別推薦油甘魚x2 (hkd14@1):都係痴係個櫃身到menu 無印出黎，有一塊唔知係咪太薄切得有少少爛，不過味道唔錯，都算新鮮既，鍾意食可以一試，唔算大推薦鮮帶子x2 (hkd14@1):好大隻好肥，推薦今次第一次叫，之後會再食咁既價錢好
今日食既除左例牌玉子，仲揀左以下既壽司
例牌厚燒玉子x3 (hkd10@1)：滿分唔使多講（不過唔好貪心，食太多件d 醬可能會令你覺得漏）
炙燒左口魚x2 (hkd11/hkd12@1)： 唔係張menu 到，係痴左係鋪頭既櫃身，好似係10蚊定11蚊件，加1蚊可以變灸燒 咁緊係加啦，果然入口即溶 不過可惜既係佢太多單話要半個鍾後先拎得， 後尾去左食其他小食頂住肚先，遲左番去拎搞到無咁熱無得即食，唔係一定仲好味呀
之後仲有
三文魚腩x2 (hkd8@1) :我最鍾意食三文魚腩，肥美新鮮，平靚正之選
日本象拔蚌x1 (hkd9@1):見人叫我又叫系列，少少爽脆，都幾特別，口感有d 似赤貝 但赤貝再爽d,可以一試，不是特別推薦
油甘魚x2 (hkd14@1):都係痴係個櫃身到menu 無印出黎，有一塊唔知係咪太薄切得有少少爛，不過味道唔錯，都算新鮮既，鍾意食可以一試，唔算大推薦
鮮帶子x2 (hkd14@1):好大隻好肥，推薦今次第一次叫，之後會再食咁既價錢好抵下
中吞拿魚腩x1 (hkd12@1):咁平有個中吞拿魚腩，梗係試下有無伏心諗中拖羅和，咁平，嗯食落都多筋，不過比起出面d 吞拿魚擦膠同之前係oyster one 買既中伏吞拿魚剌身，已經好好多，平時拖羅三分一既價錢，都叫多過三分一既味道不過都唔推薦，因為真係多筋，有d影響口感
芥辣八爪魚x1(hkd7@1): 每次叫依件壽司，都必須知佢係生定熟八爪魚唔知大家認唔認同，生既好味好多，有口感，除左本身痴係八爪魚d 芥辣再加少少包裝芥辣，嘩又食到我想喊，不過係刺激既，一件過下癮
雜錦魚生飯（hkd45@1):食到最後，要用番個魚生飯作結，唔係怕唔飽雖然壽司係真係好食d ,不過魚生飯既價錢黎講，都算高性價比，印象中入面3x 三文魚，2 x玉子，甜蝦，蟹柳仔，，1x鮮帶子（薄切），熟蝦，馬刀貝同d蟹杍，下次再食再補相啦今次無影到
想食海膽，想食海膽，點知佢咁岩賣哂未番貨，下次呀我會再黎的
以上有2個人食完燒賣飲完黑糖鮮奶食既份量，叫做夠飽2人承惠hkd196 ,謝謝收看
張貼
