山旮旯 (已結業)

山旮旯咁遠去搵食😋餐廳個位置係跑馬地與銅鑼灣之間 都真係有d山旮旯環境都算舒服 不過舖頭唔大 同隔離枱既距離都算近叫左兩個main course,一個係德國豬手，另一個人忌廉汁大蜆配蒜蓉包先講德國豬手，個皮好脆，裡面肉質都ok, 值得推介，送酒必備而個大蜆 忌廉汁本身已經好香，係咁飲😂而大蜆一共有8隻 隻隻都有差唔多一隻手指咁長 配埋個忌廉汁微火慢煮住，蒜蓉包岩岩好唔會太硬，脆脆地 浸埋個汁黎食好夾！整體黎講食物都唔錯既，不過就唔算好大份而且上菜既速度都好快食飯又點可以無酒呢！呢度有好多手工啤，普通少爺麥啤呢d佢都有仲有d名都幾特別，本來想試一隻好似叫quit my job😂咁上下既啤酒 但皇上話想試seasonal special 所以就叫左3杯season限定既手工啤，$148/3杯 細杯 可以任何手工啤揀3款其中一杯標榜smokey味，應該係左邊果杯，飲落又真係有d似燶燶地味😂好特別 鐘意黑啤既人可能會好似皇上咁喜歡不過上啤酒既速度真係有d慢 食左一半先黎到啤酒 可能係seasonal既關係啦。