Crafty Cow (已結業)

今日響上環上堂，又一個人四圍搵食，最喜歡上環有不少小店，今次揀左間美國菜。很喜歡這餐廳嘅裝修，以手工啤酒樽作為擺設，為呢度加添不同嘅色彩。正值lunch時間，餐廳都有不少不同國藉嘅客人，彷彿置身於外國一樣。Lunch Set Menu選擇不少，我今次揀選左wauga steak sandwich。呢款三文治用左烘法包，中間夾著新鮮蕃茄，牛扒有驚喜，肉質鮮嫩，難得厚度和份量不少，配上芝士，牛扒能保留肉汁，整份三文治口感豐富，味道一流。很喜歡沙律伴菜，沙律汁係自家制，新鮮沙律菜配上黑醋，開胃非常。另外餐飲還有無限添飲嘅Americano，嘆著咖啡，聽著餐廳嘅音樂又渡過左一個悠閒嘅下午，享受極了。