影片
更多
2021-12-23
270 瀏覽
建議：如果從元朗 小巴/巴士入，可於「高甫村」落車行完山行到元朗近錦田既高埔村。係上網睇見係附近既爾巒Riva 有間新式茶樓，所以就去食野休息下😎 餐廳環境都幾舒服，要留意洗手間就係店外。落完單後，唔洗好耐陣就陸陸續續送上熱辣辣既點心，係點餐時仲比#試伏專員 W君見到有Set點心層架😎 最後叫左一Set黎打下卡🤣📸今次試左：▫️鳥語花香雀籠點心 (HK$168)點心架三層打卡一流，頂層天鵝造型既點心係蜂巢天鵝酥 (芋角)，中層係雀巢流沙煎堆仔 (奶黃餡)，底層係點心拼盤 (麻雀千層糕、金萡鮮蝦餃 同川粵燒賣皇)對比其他點心，層架既點心份量唔算好多，不過就真係好打卡。出餐時直頭好似食Tea Set甘，先上架再上雀籠🤣 回頭率極高，隔離枱都望哂過黎📸整體味道正常，天鵝酥同煎堆仔非常值得一讚❤️ 天鵝酥入面既芋蓉好多，成個芋角都好飽滿。天鵝頸用餅乾整，超脆👍煎堆仔外層應該係沾左米粒先拎去炸，就算凍左先食。外皮都仲係超脆😮 而且內餡好流心👍▪️紫薯豬仔包 (大點 HK$35)三隻豬仔造型超Cute🐖 入面既紫薯餡都幾多。味道正常，蒸得幾好👍無倒汗水整到個包😌▫️紅菜頭野菌餃 (大點 HK$35)除左面
行完山行到元朗近錦田既高埔村。係上網睇見係附近既爾巒Riva 有間新式茶樓，所以就去食野休息下😎
餐廳環境都幾舒服，要留意洗手間就係店外。落完單後，唔洗好耐陣就陸陸續續送上熱辣辣既點心，係點餐時仲比#試伏專員 W君見到有Set點心層架😎 最後叫左一Set黎打下卡🤣📸
今次試左：
▫️鳥語花香雀籠點心 (HK$168)
點心架三層打卡一流，頂層天鵝造型既點心係蜂巢天鵝酥 (芋角)，中層係雀巢流沙煎堆仔 (奶黃餡)，底層係點心拼盤 (麻雀千層糕、金萡鮮蝦餃 同川粵燒賣皇)
對比其他點心，層架既點心份量唔算好多，不過就真係好打卡。出餐時直頭好似食Tea Set甘，先上架再上雀籠🤣 回頭率極高，隔離枱都望哂過黎📸
整體味道正常，天鵝酥同煎堆仔非常值得一讚❤️ 天鵝酥入面既芋蓉好多，成個芋角都好飽滿。天鵝頸用餅乾整，超脆👍
煎堆仔外層應該係沾左米粒先拎去炸，就算凍左先食。外皮都仲係超脆😮 而且內餡好流心👍
▪️紫薯豬仔包 (大點 HK$35)
三隻豬仔造型超Cute🐖 入面既紫薯餡都幾多。味道正常，蒸得幾好👍無倒汗水整到個包😌
▫️紅菜頭野菌餃 (大點 HK$35)
除左面層用左紅菜頭染成紅色外，內餡既野菌同平時食開既野菌餃差唔多。味道屬於正常🍄
▪️紅燒原隻BB乳鴿 (HK$38)
上枱時會好貼心比定鉸剪 同手套👍 一開四件，估唔到都啖啖肉。
▫️一口魷魚鬚 (HK$68)
炸粉唔會太厚，夠爽口🦑就甘睇以為好少，不過每條魷魚鬚都好粗，肉質厚身。
▪️鮑汁炆鳳爪 (HK$58)
依款小食係每次飲茶都會必叫🐔 鮑汁夠濃，唔會太咸。鳳爪煮得夠腍，而且幾入味😋 鍋底仲有花生🥜 如果加埋汁配埋飯，真係一流。
▫️柚香茶凍 (大點 HK$35)
大推真心有驚喜甜品👍👍 本身想揀桂花紅豆糕，因為平時既酒樓好少有兩種Mix，點知落單時問下店員，佢大推柚香茶凍，話係師傅手工原個西柚製成🍊
一上枱，成枱人都好驚喜🤓 因為茶凍原來係切到一解解，賣相好得意。而口感係啫喱Mix果肉，酸酸甜甜👍 幾解膩
▪️椰皇雪蛤鮮奶 (精點 HK$50)
落點心紙時，店員話椰皇得番3️⃣個，所以就留左1️⃣個做飯後甜品🥥🤤 椰皇入面既椰肉燉到好軟身，好容易就刮到出黎，加埋燉奶一齊食口感唔錯。不過燉奶既味道就有少少偏甜。
整體既用餐體驗算唔錯，味道都屬於正常水平。如果唔特別好打卡既可以考慮唔同既點心，價錢都算可接受範圍。另外，餐廳無分午茶定下午茶時段，只有分平日同假日既價錢，不過都唔係相差好遠。
張貼
