大門橫丁串燒手打烏龍麵店 (已搬遷) 新店位置

新假期有呢間既介紹, 有係尖咀做野既朋友食過都話唔錯. 尋日咁啱去開尖咀, 就決定去試下佢.唔洗等位, 唔錯. 不過之後d人就要等一等.個menu 有d亂, 因為d日文同好似英文既內容overlapped.but 每個拉麵烏冬都有圖睇, 唔錯.我同男友叫左:九州叉燒手打烏冬 ($48)燒鳥地獄手打烏冬 ($58)鹽燒秋刀魚 ($32)芝士雞肉串x 2 ($12 x 2 = $24)本來有d怕會食唔晒, 因為都9 點幾, 唔想食咁飽.跟住, 男友個九州烏冬黎先. 一見到個真身, 有種被欺騙既感覺...份量好小 而且得兩舊叉燒, 略嫌少左d...開始怕唔夠食添!不過, 個烏冬真係做得唔錯, 口感好"un"!我個燒鳥味道都ok, 唔會煎得太乾. 個size 都ok, 係d烏冬太少,唔係好夠食.而個鹽燒秋刀魚都普普通通啦, 冇乜特別.芝士雞肉串 好味, 芝士雖然係普遍超市卡夫芝士, 但係溶溶地加埋個雞串, 就好滋味! 本人係芝士fans!整體都ok, 係d烏冬既份量要多番d囉, 因為成五六十蚊一碗...