Seafood ghost (已結業)

同屋企人去開石門飲茶見到附近有一間食手抓海鮮嘅店好似幾得意所以今日晚餐就約咗老公嚟試吓。手抓海鮮餐一共有五隻味道可以揀包括有泰式香辣，蒜蓉牛油，日本南瓜，港式避風塘仲有新加坡黑胡椒，今次我哋就選擇咗港式避風塘口味小辣。一上枱都嚇咗一跳因為一人份量估唔到竟然都好大盤，份量都唔少，入面有半隻開邊龍蝦蝦，蜆，青口，鮑魚，扇貝，魷魚圈，蟹等等。。。仲有好多嘅配菜例如三色椒，洋蔥粟米意粉等等，我相信鍾意食海鮮嘅人一定會超鍾意！因為d海鮮食落全部都啖啖肉，而且非常鮮味。再配上非常多嘅炸蒜真係好香口㗎！另外我地再叫咗個牛肉火鍋套餐湯底有三種選擇包括有鮮雞麻辣同埋昆布我哋今次就選擇咗鮮雞湯，個湯底飲落好清甜，另外啲牛肉係選用左安格斯牛肉所以食落牛味香濃，肉質相當有質素，而且配上咗好多好多蔬菜同菇類仲有稻庭烏冬！個餐非常之豐富啊！嗰兩個套餐都包左movenpick雪糕嫁！食完啲熱野再食雪糕真係非常享受！飲品我哋就叫咗水蜜桃乳酪梳打同埋鹹檸七配上蜜糖乳酪梳打甜度適中，鹹檸七都非常之唔錯！下次一定要帶埋鍾意食海鮮嘅媽咪再嚟食多次試吓佢個海鮮火鍋先得！