Seafood ghost (已結業)

女朋友好鍾意食海鮮，所以今日就帶左佢黎石門嘅seafood ghost 👻 食野。我地兩個人叫左一個手抓海鮮set 同埋一個壽喜燒set 。手抓海鮮set 好豐富有龍蝦🦞， 鮑魚，魷魚，青口，蜆，各式蔬菜🥬，意粉🍝， 仲有一碟刺身！醬料有幾款， 可以選擇黑胡椒，避風塘，日本南瓜🎃，泰式香辣同埋牛油蒜蓉醬。 我地選擇左牛油蒜蓉，貪佢又夾海鮮又夾意粉！海鮮set 上枱超大碟， 而且海鮮加埋蔬菜有唔同嘅顏色， 令人食慾大增！ 而壽喜燒set 有8 片牛肉同埋大量日式新鮮蔬菜，店員幫我地用牛脂潤鍋， 跟住就可以自己煮牛肉。煮完之後就可以叫店員幫手加湯。飲品方面我地叫左熱情果乳酸梳打同埋mojito . 梳打甜度岩岩好，mojito 清新， 跟埋較濃味嘅手抓海鮮，可以作為一個調和！食完主食之後就可以叫店員上埋跟set 嘅movenpick 雪糕🍦。總括黎講，無論味道定視覺上都好好， 係有唔同體驗嘅一餐！