沐白小農 (已結業)

台式飲品店係元朗已經開到成行成市 最近又多咗一間過江龍 主打採用優質鮮奶 非人工奶精粉所有原材料都係天然食材 身為手搖杯中毒者又點會錯過今次就飲咗草苺鮮奶同黑糖波霸鮮奶 兩杯都經過均勻搖晃後 先試草莓鮮奶 第一口就食到大大啖草苺蓉+草苺肉🍓非常驚喜至於因為選用鮮奶 所以飲到奶嘅香滑兩者加埋口感豐富 絕對唔死甜而且都係健康食材 大人細路都飲得 朋友就試穩陣之選黑糖波霸鮮奶 成杯沖得好靚 見到漸層同紋路賣相吸引波霸珍珠煙韌有咬口濃濃嘅黑糖香混和鮮奶嘅乳香甜度同冰度都可以自選 我就覺得半糖都已經好好飲 如果去開元朗搵食 不妨試下佢