可可豬椰香海南雞專門店

營業中

休息中

今日放工又黎到紅磡呢間鋪頭買外賣返屋企食呀，望返餐牌對比上次黎嘅時候，啲菜式多左好多，咁當然今次都會叫下啲新野啦。首先就係呢個特色椰香海南雞飯，其實黎親呢間都係買呢盒，要讚嘅一定係啲雞，好滑好嫩，雞皮好似啫喱咁，有雞味，配埋椰香飯真係恰到好處，令人回味無窮。如果想刺激啲又食到辣嘅朋友仔，可以試下呢個麻辣手撕雞冷麵，辣得黎又夠清爽嘅感覺確實過癮，手撕雞肉撕得幼細好岩撈冷麵黎食。泰式酸辣無骨鳳爪當係飯後小食咁，夠入味，份量都唔錯。呢間雖然剩係做外賣，但係都好多人排隊買外賣，證明呢間野係幾咁吸引街坊，甚至係跨區過黎買，值得有下次。