炯記手撕雞 (汝州街) (已結業)

深水步多野食就應該大家都知。今次黎到炯記手撕雞食野。之前餐廳新開無耐既時候試過openrice買外賣質素唔錯，尤其個麻辣味手撕雞。唔知水準保唔保持到呢。打開menu,除左招牌既手撕雞之外，醬皇豬手同燒味都係餐廳既招牌菜，喺連快餐店燒味飯都賣5字頭既今日，呢度價錢係相當合理。首先一定要試下我最愛既叉燒，雙拼埋燒腩仔都只係貴2蚊，仲連埋足料老火例湯，相當抵食。叉燒唔肥，咬落啖啖肉，味道唔錯，燒肉真係腩位唔係頭頭尾尾，份量大，大胃王都食得飽。朋友就想食豪d,點左燒鵝脾鵝油撈粗麵。佢話已經二十年無食過燒鵝脾咁話wo。燒鵝相當靚，鵝皮金黃色仲微脆，脂肪唔多，仲好大隻，食得朋友好開心。撈麵應該係用自家醬油撈，味道少少甜，亦都唔會好油膩。不過當然一分錢一分貨，價錢貴少少啦。黎到炯記無理由唔食埋招牌手撕雞既。我地點左一份海蜇手撕雞，同埋兩件醬皇豬手。海蜇爽脆，唔係即食一包包貨色，手撕雞好好肉，麻辣味香濃，但又唔會好多辣椒嗰隻。唔食辣既話亦都可以揀原味鹽焗味。豬手就拳頭咁大件。小食份量有兩件，皮滑入味，幾乎無肥膏，平時唔食豬手既我都食左一大件。平時揀野食三心兩意但胃口唔大既都唔洗擔心，因為以上幾樣野其實