18樓雞煲火鍋專門店

營業中

休息中

約咗個朋友食飯，佢話好耐冇食雞煲，又要喺荃灣…本身唔熟荃灣啊打開OpenRice見到有呢間18樓雞煲於是去咗試吓整體來講，都算唔錯嘅！環境方面幾闊落，張枱放到好多叫咗嘅火鍋料，門口有沙發長凳坐低等，未叫到入咗之前都仲可以輕輕鬆鬆等位自助吧擺放整齊，啲菜同嘢飲就放喺雪櫃入邊，想食幾多就攞幾多，唔怕話會叫多咗食唔晒good！雞煲啲雞都OK嘅，叫小辣呢就類似譚仔嘅五少差唔多啦～而自己可以隨便用手機叫嘅火鍋配料都有好多款式！魚滑幾唔錯！啲肉就略嫌簿咗啲，不過都有好多款揀！我哋叫咗最平嗰個套餐，都有兩款牛，一種牛，兩款豬，可以選擇雞件啊，丸啊，海鮮啊，例如係海蝦佢都有提供！服務方便都幾好，廁所算乾淨，落單冇幾耐就好快就會上到啲食物，所以唔會話預計同埋落單方面唔方便。