願榮光咖啡館 (已結業)

願榮光咖啡館 Not One Less Coffee一聽個名就知咩料啦，雖然幾僻，但都唔算難搵，大大個牌放喺地庫個樓梯，落到去門口個牆身有啲壁畫，好靚。—————————————————————1. 手沖咖啡呢間cafe會有咖啡師過嚟同你講下咖啡嘅知識，咖啡豆嘅果實、風乾、烘焙、運送、歷史都有介紹下，好似上咗一個興趣班咁。之後咖啡師就推介鋪頭入面嘅咖啡豆比你揀，介紹返每隻嘅風味有咩唔同，揀完就會拎返工具係你面前沖，佢會教你點樣品嘗杯咖啡，同條脷嘅唔同部位去感受，叫你嘗試去分辯熱飲、暖飲同冷飲嘅分別。我揀咗La Gallera Sidra嘅豆，係有茉莉花、柚子同莓嘅風味係入面，熱嘅時候茉莉花香味會突出啲，暖同冷嘅時候柚子同莓嘅酸會明顯啲，我就鍾意熱飲多啲～2. 香橙朱古力蛋糕好精緻嘅朱古力蛋糕，三層海綿蛋糕夾咗啲mousse係中間，上面再淋啲好濃嘅朱古力醬，真係勁重朱古力味！旁邊有啲橙皮粒同脆脆幫件蛋糕解膩，好夾。總結，有嘢學，有嘢睇，有嘢飲，有嘢食，好似係買緊一個體驗咁，仲要係黃店，好欣賞佢哋咁認真對待每一個客人同咖啡，正。—————————————————————願榮光咖啡館 Not