三台八座 (已結業)

行下行下到左第二街，有間小店就入左去食晚飯，我去當晚都幾多人幫襯！老闆都做到無停手！還經常說著：「唔好意思！今晚人手唔夠！要你地等。」我充份感受到佢內心既歉意，反正我不趕時間！多等一點也沒關係。叫左一個套餐酥炸無骨配咸豬手配巴黎汁，附上餐湯前菜飲品。當晚餐湯南瓜味幾香濃！夠哂熱，而個煙三文魚火箭菜沙津都唔錯，夠哂新鮮。個主菜酥炸無骨配咸豬手，因為已拆骨既關係！食落超方便而且啖啖肉！香脆香口，肉質幾滑，再加上巴黎汁仲份外惹味。最後老闆仲窩心地供應左飯後果，窩心值100分！！難得難得！！