影片
更多
2017-06-14
102 瀏覽
收工嘅時候一大班同事想傾吓計，其中一個同事就住喺太子嗰邊，所以就介紹左呢間烤魚俾我哋食，原來呢同我之前食過嘅荃灣烤魚係同一個老闆嘅。平時得兩個人嘅時候最多都係食小半邊嘅烤魚，今次夠晒多人終於可以食一條全魚。原來嘅份量真係非常之大，半邊已經有一隻手臂咁粗。初頭有位同事都幾擔心，因為佢不嬲都食開鉗魚，佢嫌鯇魚嗰陣味道太腥，所以唔多鍾意食。但係如果食魽魚嘅話呢個份量係應該唔夠我哋咁多人食。所以今次就試吓鯇魚，但係結果玩魚嘅味道一啲都唔腥，佢10分容易就接受左。魚肉又非常之厚身，食落去好滑，而魚已經預先烤製過，所以會有少少香脆，同埋火炭嘅烤味，好味。味道來講呢度有6種味道，有着一般嘅麻辣味，香辣味，比較小有嘅豆豉味同埋鮮茄味都會有。今日就揀咗麻辣嘅味道，但係因為唔係個個都食得咁辣，所以我哋就揀咗個小辣先啦，出嚟個樣辣椒其實都好多，都擔心，但係食到一半嘅時候都可以接受。味道濃而香，麻而不辣。最值得一提嘅就係佢個湯底，如果滾得耐咗個湯無唒，再加嘅並唔係味精湯，而係濃郁嘅奶白色魚湯，所以由頭食到落尾都可以保持個湯嘅濃郁。本身個魚無任何配菜嘅，所以如果加多＄40就會有芹菜，芽菜，金菇同葱。建議一定要加
平時得兩個人嘅時候最多都係食小半邊嘅烤魚，今次夠晒多人終於可以食一條全魚。原來嘅份量真係非常之大，半邊已經有一隻手臂咁粗。
初頭有位同事都幾擔心，因為佢不嬲都食開鉗魚，佢嫌鯇魚嗰陣味道太腥，所以唔多鍾意食。但係如果食魽魚嘅話呢個份量係應該唔夠我哋咁多人食。所以今次就試吓鯇魚，但係結果玩魚嘅味道一啲都唔腥，佢10分容易就接受左。
魚肉又非常之厚身，食落去好滑，而魚已經預先烤製過，所以會有少少香脆，同埋火炭嘅烤味，好味。
味道來講呢度有6種味道，有着一般嘅麻辣味，香辣味，比較小有嘅豆豉味同埋鮮茄味都會有。
今日就揀咗麻辣嘅味道，但係因為唔係個個都食得咁辣，所以我哋就揀咗個小辣先啦，出嚟個樣辣椒其實都好多，都擔心，但係食到一半嘅時候都可以接受。味道濃而香，麻而不辣。
最值得一提嘅就係佢個湯底，如果滾得耐咗個湯無唒，再加嘅並唔係味精湯，而係濃郁嘅奶白色魚湯，所以由頭食到落尾都可以保持個湯嘅濃郁。
本身個魚無任何配菜嘅，所以如果加多＄40就會有芹菜，芽菜，金菇同葱。建議一定要加，因為加落去啲蔬菜會吸收整個湯底嘅味道，特別好食。
如果仲唔夠食嘅話就加埋佢啲火鍋配菜，包保夠飽，特別推薦嘅就係喺呢度嘅薯粉，薯粉配烤魚係完美嘅配搭。
仲有肥牛，男人的另一個浪漫。
另外仲想提一提嘅就係老闆娘嘅服務態度，佢完全冇架子，成日都會出嚟問下你有啲乜嘢特別嘅需要，同埋無限地為我哋加湯，好貼心。
張貼
