影片
更多
2015-01-27
3270 瀏覽
帕莎22-01-2015手舞「燭」蹈 食表演嘅新疆菜帕莎餐廳聞名已久，初次到訪，出𨋢已經有驚喜，門口充滿新疆風情嘅裝修，以為去咗博物館😅RECEPTIONIST 教我哋新疆習俗，扶起特式水壺，喺入門前洗三次手，入到去，佈置非常有特色，場內除咗經理，全部員工都係著新疆民族服裝！ 嚟帕莎，最震撼係肚皮舞表演！食緊前菜時，突然間燈光轉暗，響起強勁音樂，一身性感打扮嘅女DANCER頭頂燭台扭動蛇腰進場，另一個DANCER亦不甘示弱，手舞足蹈竭力表演。期間更邀請客人一齊跳，氣氛熾熱。呢個應該係帕莎座無虛席嘅原因。 枱面有個好特別嘅器皿，原來係調味架，有孜然粉，鹽同紅辣椒粉，非常精緻。 難得嚟呢度，盡量點啲特式嘢，由飲品開始。黃玉沙雪$62以芒果為主，配以薄荷玉桂乳酪雪碧而成嘅MOCKTAIL,食完辣嘢飲非常舒服。四寶茶$42即係用雪耳、杞子一齊焗嘅香片茶，飲落有飲湯嘅感覺。😅新疆咸奶茶$42類似西藏酥油茶，都係奶味重過茶味，飲落有淡淡鹹味，飲完全身暖笠笠。 自製新疆包配合桃橄欖醬、雞肝醬(原價$88,呢份係送嘅)做型特別味道普通兼且凍，兩個
帕莎
22-01-2015
手舞「燭」蹈 食表演嘅新疆菜
帕莎餐廳聞名已久，初次到訪，出𨋢已經有驚喜，門口充滿新疆風情嘅裝修，以為去咗博物館😅
RECEPTIONIST 教我哋新疆習俗，扶起特式水壺，喺入門前洗三次手，入到去，佈置非常有特色，場內除咗經理，全部員工都係著新疆民族服裝！
嚟帕莎，最震撼係肚皮舞表演！食緊前菜時，突然間燈光轉暗，響起強勁音樂，一身性感打扮嘅女DANCER頭頂燭台扭動蛇腰進場，另一個DANCER亦不甘示弱，手舞足蹈竭力表演。期間更邀請客人一齊跳，氣氛熾熱。呢個應該係帕莎座無虛席嘅原因。
枱面有個好特別嘅器皿，原來係調味架，有孜然粉，鹽同紅辣椒粉，非常精緻。
難得嚟呢度，盡量點啲特式嘢，由飲品開始。
黃玉沙雪$62
以芒果為主，配以薄荷玉桂乳酪雪碧而成嘅MOCKTAIL,食完辣嘢飲非常舒服。
四寶茶$42
即係用雪耳、杞子一齊焗嘅香片茶，飲落有飲湯嘅感覺。😅
新疆咸奶茶$42
類似西藏酥油茶，都係奶味重過茶味，飲落有淡淡鹹味，飲完全身暖笠笠。
自製新疆包配合桃橄欖醬、雞肝醬(原價$88,呢份係送嘅)
做型特別味道普通兼且凍，兩個醬味道特別但唔算好味。
大菌香辣蒜茸拍青瓜(原價$68,用COUPON所以免費)
都係辣椒醬撈青瓜同磨菇，青瓜夠爽，作為為前菜幾開胃。
涼拌彩絲$68
另一個頭盤，由芽菜，甘筍絲、青瓜絲同腐皮加麻油撈匀，冰涼清爽。
牙籤羊肉$88
將串燒羊肉切粒，用牙籤串起方便食，肉質JUICY香口，最適合做送酒小食。
烤雞、羊肉串$78
燒得稍嫌過火，無咩肉汁，無調味，只有孜然粉椒鹽紅椒粉另上，差過街邊小販💔
手抓燒餅$48
既不香脆也無熱度，油膩膩凍冰冰，我寧願要塊M記早晨熱香餅都好過啪啖油入口💔
兩味葡萄魚$228
兩味係指一條魚兩款煮法跟兩款汁，真係好似食神入面條錦繡雙味魚咁，分別係蛋白汁拌蒸魚片同酸甜炸魚片配葡萄。
呢個餸最靚係上枱後進食前😫老實講蛋白汁同魚片完全唔挐經，魚片仲要係腥嘅😑，酸甜魚塊唔脆唔鬆化，係個汁正常啲。伴碟嘅葡萄作用只有伴碟。對味道完全無影響。
新疆古法烤春雞$188
燒雞做得鬆化嫩滑，外層香料十足，上枱時已經香味四溢，雖名為燒雞，但完全唔熱氣，而且十分惹味，多食都唔覺膩。
整間餐廳都充滿新疆風情，精彩嘅表演令客人願意支持。可惜十清一濁，唯獨食物未能配合，如果可以彌補呢個缺憾，應該能成為名實相符嘅新疆餐廳。
張貼
