MeeMeeMe (已結業)

星期六的節目是和先生坐短程巴士去黃竹坑食個飯，然後走約一小時的平坦路回家。在黃竹坑沿香葉徑直達香港仔，香葉徑一旁是黃竹坑明渠，不時會見到小白鷺覓食，頭頂則是南港島綫鐵路高架橋，列車在橋上呼嘯而過。跟著途經香港仔海濱長廊，飽覽避風塘美景，順道在香港仔買點東西便回家。黃竹坑食肆不多，我們多數選擇對住球場的MeeMeeMe，貪它環境舒服，食物款式多，而且份量夠。餐廳有東南亞餐和西餐，它的手調飲品特別正。招牌咖哩配香茅豬扒、雞翼煎蛋飯（$128）招牌咖哩惹味醒胃，不會大辣，內有洋蔥和薯仔，絕對是白飯殺手。三隻大雞翼和一大塊有骨豬扒夠晒份量。雞翼嫩滑多肉，豬扒軟腍入味。肉醬意粉配流心芝士漢堡（$128）切開塊漢堡，真是流心的。肉醬和意粉份量都不少，意粉軟硬適中。泰式朱古力奶茶（+$28）這兒的泰式奶茶全用泰國茶葉ChaTraMue沖調，夠晒地道。平日泰式珍珠奶茶飲得多，今日試朱古力奶茶，特別香濃。芝芝火龍果Smoothie（$55）新鮮火龍果加芝士奶蓋，天然無奶精味，綿滑清爽。