Story Steak & Pasta (已結業)

大人終於投訴我成日帶佢去打小D邊爐，叫我俾多D新意喎...咁我咪間西餐同佢食，最緊要價錢合理又唔太差嘅地方啦。揀咗一份西冷扒同一份厚切黑毛豬，兩份都有套餐嘅，先飲個南瓜湯配個麵包，個麵包係用牛油煎香，因為大人鍾意食雞翼所以就加多咗份，熱辣辣又幾好食仲有少量蔬菜都幾好，而個西冷肉佢哋個醬汁係分開上肉質同味道都唔錯，配菜嘅薯條係厚身嘅有咬口又脆，而個黑毛豬可以做到外脆內軟，又唔 韌，食落口仲好有好多肉汁好香肉味，而份我哋揀咗配意粉，個意粉唔係普通白下，係用蒜香去炒，本人相當喜歡而每碟個主菜都有沙律菜配仲要係用日式麻醬，餐飲就一杯凍檸茶，另一杯係凍薄荷朱古力，而面個cream溝埋落杯朱古力令佢更加滑，好似食緊甜品咁，所以我可以慳番個甜品錢。