歐意餐廳 (已結業)

今日唔想煮飯，去咗「歐意餐廳」食dinner ，餐廳位置十分方便，在上水火車站附近，步行五至十分鐘就到， 位於彩園邨廣場3樓R3-R4號舖。 我哋叫咗《白汁芝士龍蝦拼羊架$148》&《紐西蘭西冷牛扒》 套餐，套餐有餐包、餐湯同飲品！ 客人仲可以加$15 upgrade 個《酥皮蘑菇湯》 ， 個湯好好飲， 酥皮焗得非常鬆脆， 酥皮同湯一齊飲， 特別滋味！ 《白汁芝士龍蝦拼羊架$148》， 份量十分， 有一件羊架加半隻龍蝦， 龍蝦鮮甜，羊架嫰滑， 配上白汁芝士， 味道香濃惹味！《紐西蘭西冷牛扒》， 我哋叫咗七成熟嘅西冷牛扒， 燒到金黃色外皮， 肉質細嫩而富有肉汁， 牛肉味濃郁， 味道不錯。 總結： 食物質素不錯，地方舒適， 食物種類繁多， 仲要價錢合理，真係街坊食店。