影片
更多
2024-06-21
740 瀏覽
大家好，但係我食完覺得唔係幾好。作為屹立香港30餘年嘅老式香港西餐廳，佢完美咁代表左時下年青人對香港食物嘅刻版印象，難食。前菜！羅宋湯加蒜蓉包！坦白講，幾好飲，蒜蓉包都幾脆，好味過扒X之王，冇咩好評價。$170大洋 紅酒燴牛臉肉加牛脷 配菠菜面嘩，講起呢道菜我就有興至啦！！先講餐具啦，我覺得間野對隻牛嘅軟淋度太有信心啦，連把刀都唔比但係間野衰就衰在對隻牛太過有信心，隻牛居然唔比面，一身強橫嘅筋肉，連塊臉都充滿筋肉牛臉肉！要食呢舊肉，你只能整舊叉起佢，好似野人咁食，因為D肉緊緊地鎖死左起舊筋上面。想用叉或者匙羹扯D肉出黎？少年！你未免太睇少隻牛同埋百味閣三十年嘅功力啦！接近4份3嘅牛臉肉都係筋，你呀媽個仔，紀曉嵐黎都咬唔郁呀。‐-----------------------------‐-----------------------------菠菜麵，生肖屬牛、兔、羊嘅朋友有福啦，菠菜麵嘅草青味將帶大家體驗起大草原食草嘅感覺，草(字面意思)！其實都唔係話好草青，不過當D紅酒汁冇味嗰時，就會更加feel倒佢嗰浸草青味。‐-----------------------------‐----
作為屹立香港30餘年嘅老式香港西餐廳，佢完美咁代表左時下年青人對香港食物嘅刻版印象，難食。
前菜！羅宋湯加蒜蓉包！
坦白講，幾好飲，蒜蓉包都幾脆，好味過扒X之王，冇咩好評價。
$170大洋 紅酒燴牛臉肉加牛脷 配菠菜面
嘩，講起呢道菜我就有興至啦！！
先講餐具啦，我覺得間野對隻牛嘅軟淋度太有信心啦，連把刀都唔比
但係間野衰就衰在對隻牛太過有信心，隻牛居然唔比面，一身強橫嘅筋肉，連塊臉都充滿筋肉
牛臉肉！要食呢舊肉，你只能整舊叉起佢，好似野人咁食，因為D肉緊緊地鎖死左起舊筋上面。
想用叉或者匙羹扯D肉出黎？少年！你未免太睇少隻牛同埋百味閣三十年嘅功力啦！接近4份3嘅牛臉肉都係筋，你呀媽個仔，紀曉嵐黎都咬唔郁呀。
‐-----------------------------‐-----------------------------
菠菜麵，生肖屬牛、兔、羊嘅朋友有福啦，菠菜麵嘅草青味將帶大家體驗起大草原食草嘅感覺，草(字面意思)！
其實都唔係話好草青，不過當D紅酒汁冇味嗰時，就會更加feel倒佢嗰浸草青味。
‐-----------------------------‐-----------------------------
牛脷，其實冇特別，一般貨色啦，冇咩味，都算淋。
‐-----------------------------‐-----------------------------
$220大洋 鵝肝配牛扒 事前圖
垃圾鵝肝，腥臭，明顯唔知擺左幾耐
垃圾牛扒，同扒X之王末期一樣，唔知雪左幾耐，D肥膏完美咁反映出佢極度唔新鮮。
咁嘅垃圾都夠膽攞出黎比人食，係梁靜茹比你嘅勇氣？
事後圖
搞唔掂
‐-----------------------------‐-----------------------------
甜點 咖啡燉蛋杯
冇咩特別，就係一般嘅難食
冇咩好講，就係普通嘅劣食
冇咩點評，就係唔甜嘅甜品
總結
一間普通嘅西餐廳，攞碟咁嘅野出黎，收我咁樣嘅價錢，我會罵，但係唔會為左佢寫食評。
三十年嘅老字號，就要罵，罵得有幾甘得幾甘，三十年老字號比我幾多期望，依加佢要食番我比佢嘅失望。
可能大家會不忿我起度貶低香港老字號，但真相總是傷人，呢一切係起我食完之後即時打出黎嘅，可能太過主觀，可能太過受情緒影響，但呢一切，此時此刻嘅感情，係真實的，絕冇虛假的。
三十年嘅味道，一碟餸擺左三十年之後，係咩味道，佢未咩味道囉。
PS
間野唯一有味嘅係人情味，D店員幾nice
PPSS
回想扒X之X嘅倒閉，彼時彼刻，恰如此時此刻
張貼
