影片
更多
2010-06-09
30 瀏覽
好記得係上星期五, 當人人都喺維園時, 師傅就一條友喺屋企, 而且夜夜都未食晚飯, 皆因早段唔多肚餓, 到肚餓時又唔知食咩好, 諗左一陣師傅覺得呢區可供選擇唔多, 決定行遠少少; 而師傅成日心思思想黎呢間食店, 於是就九點出發, 就黎呢間食店大吃一餐啦!由於師傅唔知咩位置, 所以抄低地址, 睇埋地圖, 斷估都搵到間食店喇; 點知出到去人生路不熟, 不斷行不斷兜, 但始終搵唔到; 可是師傅始終仍未心死, 繼續行繼續搵, 而師傅搵食呢種打不死嘅精神好比維園上嘅港人一樣; 最後行到顛搵到顛, 終於比師傅搵到喇, 真係皇天不負有心人!去到食店已經接部十點三, 搵食之耐可想而知; 起初師傅都估可能會打烊, 幸好食店係收十一點, 於是拿拿聲坐底, 即刻睇下有咩好食啦, 餐牌款式甚多, 頗吸引, 不過師傅立定心意, 一定要食拉麵, 於是就柯打左套餐A, 套餐A有自選拉麵一款, 三文魚炒飯同埋八爪魚丸, 一杯餐茶! 師傅就揀左吉列豬扒拉麵, 配中度酸辣湯底!落左單當然要等一陣, 喺等嘅同時仲可以睇下電視, 欣賞下美思主演嘅電視劇, 令到等嘅時間唔算太耐, 感覺十分之好; 套餐A一次過將所有食物擺晒喺師
由於師傅唔知咩位置, 所以抄低地址, 睇埋地圖, 斷估都搵到間食店喇; 點知出到去人生路不熟, 不斷行不斷兜, 但始終搵唔到; 可是師傅始終仍未心死, 繼續行繼續搵, 而師傅搵食呢種打不死嘅精神好比維園上嘅港人一樣; 最後行到顛搵到顛, 終於比師傅搵到喇, 真係皇天不負有心人!
去到食店已經接部十點三, 搵食之耐可想而知; 起初師傅都估可能會打烊, 幸好食店係收十一點, 於是拿拿聲坐底, 即刻睇下有咩好食啦, 餐牌款式甚多, 頗吸引, 不過師傅立定心意, 一定要食拉麵, 於是就柯打左套餐A, 套餐A有自選拉麵一款, 三文魚炒飯同埋八爪魚丸, 一杯餐茶! 師傅就揀左吉列豬扒拉麵, 配中度酸辣湯底!
落左單當然要等一陣, 喺等嘅同時仲可以睇下電視, 欣賞下美思主演嘅電視劇, 令到等嘅時間唔算太耐, 感覺十分之好; 套餐A一次過將所有食物擺晒喺師傅面前, 加上師傅十分肚餓, 呢個感覺好鬼滿足; 於是師傅第一時間就試下個酸辣湯底, 酸辣湯底微微的酸, 濃濃的辣, 酸加辣混合喺口中感覺何其惹味, 何其搶口, 師傅連飲五至六啖, 仍未捨得停, 湯底令師傅真的十分欣賞!
再講下拉麵, 麵身略嫌腍身, 如果能夠煮得煙韌少少應該會更好; 配菜有海帶, 粟米同芽菜, 海帶夠腍, 粟米香甜加上芽菜爽口唔腥,十分美味; 主菜吉列豬扒係用碟分開上, 感唔會放落碗拉麵, 感覺十分之好, 而吉列豬扒炸得好脆, 脆而不油, 豬扒亦十分鬆身, 可惜乾身少少, 但整體亦算不錯! 至於三文魚炒飯真的炒得熱辣辣, 飯身十分乾身, 味道亦可, 但就係唔多覺有三文魚, 呢下師傅覺得有少少偷雞; 至於八爪魚丸有兩大粒, 師傅覺得呢d八爪魚丸同喺旺角買嘅鱆魚丸冇咩分別, 皮脆內熱, 八爪魚十分爽口, 但亦是乾身少少, 如果可以比少少沙律醬相信會更好! 凍檸茶一般, 冇咩特別!
總括黎講食物水準尚算不俗, 環境清潔乾淨, 服務態度親切, 套餐四十七, 有飯有麵而且份量唔少, 師傅都覺得幾抵食! 幸好師傅有呢種打不死嘅精神, 先能搵到呢間食店,而食店亦冇令師傅失望而回, 是次最大發現係師傅覺得呢間拉麵食店似米線食店多少少, 又酸辣又麻辣, 又可以自選餸去配拉麵, 感覺十分有趣; 最後師傅覺得拉麵比其他出色, 有機會仍會再黎, 笑臉可以一比!
張貼
