影片
更多
2018-09-04
131 瀏覽
銅鑼灣金百利廣場一向都好多食肆，朋友同埋佢既姐妹想中式。而今次去食既係潮州野，潮式食品係香港一向好受歡迎。附近有一間，價錢相當比親民，可以用價廉物美形容。去到之後見到一間雖然環境比較侷促， 但係勝在招呼周到既服務態度補足，係香港寸金呎土既地方，所以我地都有所體諒。坐底後由於太肚餓，加上細地方有個好處，香味四溢既美食好快就到聞到。加上侍應哥哥見我地人多，都有推介我地試下個四人餐，所以好 快就決定好食咩。*選擇豪華四人餐 **講下幾款菜【鹹菜胡椒豬肚湯】 湯料十足，但味道唔太嗆。有落白胡椒粒而非胡椒粉敷衍了事，鹹酸菜咬口爽脆，豬肚有清洗乾淨，豬肚本身要清洗乾淨係難度高既項目，但食唔到特別既異味，湯水清澈而不肥膩。份量雖然 四人，但其實六人都夠飲。整個湯味道不錯！**【手撕雞】 上菜時候聞到好香既芝麻味，但略有失色地方就係如果係冷盤更加好。味道方面，雞肉滑帶麻油香，但雞皮有少少多，如少一點比較好。份量以小食黎計算足夠四人用。表現方面有可以提升空間。**【潮汕米粉】呈上時候仲出緊煙，令我大為喜感！即係表示鑊氣十足。米粉配料都非常家常做法，以銀芽，蔥，蛋絲配，肉絲以米粉炒成。米粉唔油膩而且完整性
坐底後由於太肚餓，加上細地方有個好處，香味四溢既美食好快就到聞到。加上侍應哥哥見我地人多，都有推介我地試下個四人餐，所以好 快就決定好食咩。
*
選擇豪華四人餐
**
講下幾款菜
【鹹菜胡椒豬肚湯】
湯料十足，但味道唔太嗆。有落白胡椒粒而非胡椒粉敷衍了事，
鹹酸菜咬口爽脆，豬肚有清洗乾淨，豬肚本身要清洗乾淨係難度高既項目，
但食唔到特別既異味，湯水清澈而不肥膩。
份量雖然 四人，但其實六人都夠飲。整個湯味道不錯！
*
*
【手撕雞】
上菜時候聞到好香既芝麻味，但略有失色地方就係如果係冷盤更加好。
味道方面，雞肉滑帶麻油香，但雞皮有少少多，如少一點比較好。
份量以小食黎計算足夠四人用。表現方面有可以提升空間。
*
*
【潮汕米粉】
呈上時候仲出緊煙，令我大為喜感！即係表示鑊氣十足。
米粉配料都非常家常做法，以銀芽，蔥，蛋絲配，肉絲以米粉炒成。
米粉唔油膩而且完整性高，帶有豉油香。因為好多師傅為求方面，以大量食油炒成，所以既時候成嘴油。
好在呢間既師傅係傳統家常菜項目表現十分出色，味道而且唔太鹹，份量都幾多，一人兩碗都仲剩好多！
*
*
【薑蔥鮑魚】
鮑魚以薑蔥爆炒手法炒作，鮑魚有經過飛水，界花，做法高明，
係煮食既時候可以節省時間之餘而唔會令到鮑魚肉質變老。
鮑魚有處理裙邊，食既時候食唔到任何唔乾淨既地方，口感爽！
整碟菜式都聞到好既醬油，薑蔥香味，送飯一流！
*
*
【滷水什錦拼盤】
個人最喜歡滷蛋，滷肉，紅腸。先由滷蛋方面講，滷水項目黎計，滷蛋如果都做唔到，咁個師傅真係要再培訓，好在呢間既師傅滷得好入味！
連蛋黃都有滷水味，而且又唔會變到鐵蛋咁。
滷肉，肉質唔老，滷肉咬落口好似舊海棉咁好多滷水流出黎，
唯獨如果滷水香味更陳就最好！紅腸爽口，滷水味十足，整體表現滿分！
*
*
整體而言，上菜速度神速！呢點係我意想不到，快到係我地未食完一樣，其他菜式已經呈上，可見師傅手勢相當老練。味道都符合香港人要求。
服務態度非常好，我地用餐既時候咁岩都撞正內場人士食飯時間。佢地都放低食飯時間 先招呼我地，我地都有少少唔好意思，如果一大班人聚會，呢間大家可以考慮！
張貼
