豚道樂 (百合苑商場) (已結業)

今日難得早落堂，就同朋友去到豚道樂食個early dinner～當時1815入座，好彩未有人，甘先坐到側邊既二人枱，可以慢慢傾計慢慢食～餐廳裝潢新派，採用日式x工業風格。舖頭入面有好多figure和日式既擺設，係佈置睇黎，似乎花左唔少心思。呢度點拉麵可以自己選擇麵種（直麵／曲麵）、硬度（普通、硬、特硬）同埋有無京蔥，十足十日本拉麵店，自由度高黑松露醬油豚骨拉麵（$108）！季節限定！一碗拉麵好唔好味無非都係睇個3個元素（麵、湯底、配料 ）之間既配合- 麵：選擇了較幼身、掛湯力一般既直面。跟較為濃郁既湯底配合得不錯～ 喜愛直麵的讀者硬度可選硬，口感會更佳- 湯底：湯底濃郁，陣陣既黑松露香味撲鼻而來！廚師好大方甘放左一大羹既黑松露，所以味道極為濃烈！仲差d食唔到豚骨湯既味道添xd- 配料：已包括帆立貝、豬肩肉、豬腩肉、紫菜同埋半隻溏心蛋。其實呢個價包甘多配料真係好抵～最喜愛佢炭燒過既豬肩肉，嫩滑可口！即使浸左好耐湯最後先食，但仍然品嚐到佢獨特既油香，正啊：）夜晚想食多d菜，所以加左兩個配料，分別係- 厚切筍同埋芽菜 - 佢既筍係真。厚切，有嚼勁～值得加！- 炙燒芝士豚肉（1人前） （$18