hoo韓國包車

營業中

休息中

睇得多韓劇，成日都見到D男女主角喺街邊大排檔，飲燒洒，食小炒，我都好想去感受一下。Hoo韓國包車嘅環境真係好有特色，裝修到似韓國嘅街坊小社區咁。-街頭魚糕串串🍢（中，$138）大排檔必點嘅食物！鍋入面有5串魚糕，再加上其他形狀嘅魚糕同蘿蔔，份量十足，湯底鮮甜。有gas爐一路熱住，食到尾仲係熱辣辣。-招牌炒章魚🐙 （$138）章魚口感既柔軟又有彈性，醬料惹味，啱晒用嚟送燒酒。-雞翼 x 雞槌 🍗 （三款口味，$178）三款口味包括原味，醬油味及甜辣味。雞翼同埋雞鎚炸得好香脆，入面又保持到肉汁。每種口味都各有特色。由於我同朋友有太多食物想試，叫多咗，食唔晒，所以我打包返屋企，唔好浪費。炸雞拎到返屋企，用氣炸鍋返熱都依然好味😋-懷舊烤五花肉🍖（$138）另一韓劇經常出現嘅食物。上枱嘅時候，五花腩已經燒好，所以有啲乾。如果可以自己燒，應該比較好味。餐廳嘅人客好多，記住要訂定枱先呀！而且用餐時間只有1.5小時。不過仲未飛嘅時候，Hoo韓國包車都可以暫時滿足下韓劇迷嘅幻想。