Café Life Patisserie & Cafe (太興中心) (已結業)

每次見到Cafe QRC既甜點真幾吸引！成日都用當造水果嚟做甜品🍮！之前之經比佢既夕張蜜瓜🍈蛋糕吸引住😍！可惜今日去到已經賣哂😢，得返暫時當造既🍑🍑，但同樣地非常適合📸打卡！相信最吸引大家一定係用原個蜜桃🍑，食落非常香甜，最細心係蜜桃已經去核，取以代之係中間放左果醬同忌廉，同粒核真好相似😂，所以食落啖啖鮮甜果肉！但唯一美中不足，我覺得成個甜點主體俾🍑🍑搶走左。下層既撻皮係有沾到蜜桃汁，但我覺得總體上撻皮同水果係無咩連繫，我覺得我係食緊生果😂多過食甜品！炎炎夏日，一定要飲番杯夏日特飲啦！今日就揀咗巨蜂提子梳打！飲落都味道唔錯！除咗非常濃郁嘅巨蜂提子味外，入面仲落左野莓，味道大少少酸同複雜，啱晒夏天醒醒神！Cafe QRC既甜品真心好靚又有創意，不過今次呢個係好味，不過有少少失望😞，但我真好想試埋夕張蜜瓜蛋糕🍰，下次試埋再同大家介紹啦！