Hashtag B

營業中

休息中

今晚係尖沙咀睇戲，順道買番個人氣千層撻先。除左綠色招牌易認，門口仲有條龍，應該係呢度😆。要排隊就買多幾個，鐘情咖啡伯爵茶口味，牛角酥同貝果。排左唔到10分就買到，店員好快手，最好排隊時影底款式，方便購買。🥧柚子千層撻皮薄，脆多過鬆，蛋漿勁多，好少食到呢種感覺，好食😋。咬落有淡淡柚子香甜，係炎炎夏日食晒成個都唔覺漏。食撻最怕成手油，呢個都有，但只有好少，食多個心理上都唔邪惡🤭。🥐牛角酥千層好食，呢個都唔差得去邊，脹卜卜，好鬆脆。🍞咖啡菠蘿包夠香濃咖啡味，不錯。🥯伯爵茶貝果伯爵茶味不算太出，入面有啲忌廉芝士餡，不算好有咬勁嘅貝果。