Cabin Crew Coffee by Holly Brown (已結業)

呢間餐廳嘅主題，以飛機艙內為主。其實地方唔係太大，靠牆嘅卡位會有飛機窗嘅打卡位，窗外有幾幅不同景色間斷出現，令你恍如置身於行駛中嘅飛機。食物質素中規中矩，我哋叫咗沙律，帶子意粉，炸雞翼做小食，最後就叫咗個綠茶、紅豆toast 作為生日蛋糕🎂餐廳另外一邊都有打卡位，有世界各地嘅掛牆鐘，同埋以機場飛機航班顯示牌造成嘅餐牌，都記得意😅現場仲有人唱歌，自嘆自唱，真係唔差，都幾好聽👍🏻稍為遜色嘅就係得一位工作人員，已經唔係好多客人，但都見佢忙到甩轆😂