凡高廚房

營業中

休息中

餐廳既裝修擺設好特別，以凡高既作品做主題，食飯時間都可以感受下藝術氣息。西芹青蘋果粒配大蝦，好清新好fresh既感覺，為今天既晚餐帶黎序幕。加錢叫左個98%野菌忌廉湯，菇味非常濃郁，仲有一粒粒小菇增加左個湯既口感。火燒牛護心肉串燒，上枱時牛串燒已經食得，再淋上一啲著左火既酒，成件事立即高級左，又好有氣氛。以為份量好少，但六粒牛已經可以食到好膩好飽。牛油香草忌廉汁配香煎比目魚，比目魚好滑溜，有魚香味，輕輕煎過魚皮再加上個汁，比想像中更出色。兩個主菜都配上香草蒜蓉薯角，餐廳自己特製，外脆內軟，而且有輕輕嘅香味，好正。