影片
更多
2018-07-15
368 瀏覽
最近ig都好多人去呢間Little Vegas，咁究竟係真係咁好食定點呢？我就去咗湊下熱鬧睇下佢有咩咁吸引！一入到其實係嘩一聲⋯ 好靚！ 地方其實唔大，都係兩個班房左右啦，但暗暗地，又有好多霓紅燈色彩繽紛咁，真係好有feel!而且佢有好多裝飾品，例如木造嘅賭大細版、唔同board game (但其實唔知係唔係真係可以玩)、牆上有仿書法九宮格毛筆字寫住嘅「錢唔係問題問題係冇錢」，成件事即刻好地道好有親切感～仲要每張檯上面都會有個糖果杯入面好多童年回憶⋯super lemon 乜100橡皮糖 阿華田豆等等～之後就去到最重要既部分------ 野食！我地先由小食前菜類介紹《野生牛肝菌忌廉湯》$58都值得叫既～ 個湯好濃菇味，味道好似嗰啲即沖松茸湯！（唔知大家有冇飲過）幾好飲的～《焗波特菇》$84$84其實有啲貴，但起碼佢都唔敷衍，芝士份量算係夠嘅，而且啲菇焗得好乾身～除咗芝士佢都釀咗啲罐頭菇落去咬落去菇外乾內濕潤綿軟，唔會出曬水溝淡陣味，芝士做到拉絲效果。《水牛城炸雞翼》 $78 我蠢左，應該叫個雞翼拼盤就可以試晒三款唔同雞翼。 Anyway 雞翼大大隻，個汁酸酸甜甜帶微辣，不過擺得耐左，
一入到其實係嘩一聲⋯ 好靚！
地方其實唔大，都係兩個班房左右啦，但暗暗地，又有好多霓紅燈色彩繽紛咁，真係好有feel!而且佢有好多裝飾品，例如木造嘅賭大細版、唔同board game (但其實唔知係唔係真係可以玩)、牆上有仿書法九宮格毛筆字寫住嘅「錢唔係問題問題係冇錢」，成件事即刻好地道好有親切感～
仲要每張檯上面都會有個糖果杯
入面好多童年回憶⋯super lemon 乜100橡皮糖 阿華田豆等等～之後就去到最重要既部分------ 野食！
我地先由小食前菜類介紹
野生牛肝菌忌廉湯
$58
19 瀏覽
0 讚好
0 留言
都值得叫既～ 個湯好濃菇味，味道好似嗰啲即沖松茸湯！（唔知大家有冇飲過）幾好飲的～
焗波特菇
$84
48 瀏覽
0 讚好
0 留言
$84其實有啲貴，但起碼佢都唔敷衍，芝士份量算係夠嘅，而且啲菇焗得好乾身～除咗芝士佢都釀咗啲罐頭菇落去
咬落去菇外乾內濕潤綿軟，唔會出曬水溝淡陣味，芝士做到拉絲效果。
水牛城炸雞翼
$78
43 瀏覽
0 讚好
0 留言
我蠢左，應該叫個雞翼拼盤就可以試晒三款唔同雞翼。
Anyway 雞翼大大隻，個汁酸酸甜甜帶微辣，不過擺得耐左，個皮索左啲汁會有啲怪，煙煙韌韌咁，所以最好盡快食
到主菜啦！
海鮮喇沙天使麵
$108
39 瀏覽
0 讚好
0 留言
本來最有期望嘅一樣嘢，但偏偏最失望
因為我超鍾意喇沙，又超鍾意天使麵，諗住兩樣最愛嘅嘢拼埋一齊一定會好正，但喇沙個味道令我大失所望：完全唔似喇沙嘅味道，似甜沙嗲味，而且整體都係偏甜⋯怪怪的
雖然話係海鮮，但配料唔算豐富，但啲魷魚勝在完全唔韌。其他嗰啲豆卜蟹柳蝦就冇乜特別。好在份量都算夠～唔會太細碟，岩岩好呀
迷迭香煎羊架
$188
31 瀏覽
0 讚好
0 留言
《迷迭香煎羊架》$188
啲羊架有樣好神奇嘅地方，就係 完 全 冇 羊 味😨
唔係冇羶咁簡單，係真係乜羊味都冇，即使食肥膏都得好薄弱嘅羶味。
不過肉質係唔錯嘅，幾嫰滑，唔鞋唔韌～
而終極大亮點就係啲薯角！ 好鬆脆、好新鮮，每一口都脆卜卜～ 輕鬆清曬～
咁之後就講吓嘢飲啦
富士山下
$52
38 瀏覽
0 讚好
0 留言
完全係一杯呃like嘅飲品!! 係幾靚嘅
用料係玉泉忌廉無誤
上面有球雲呢拿雪糕 不過都幾細杯下。
btw 後面就係我所講嘅木造賭大細板。
之後呢個先係真正嘅驚喜
祕密花園水果茶
$68
28 瀏覽
0 讚好
0 留言
《秘密花園水果茶》$68
最令人喜出望外就係呢個水果茶，上枱嗰陣嘩一聲，因為超級大杯！
重點係杯茶好清新解渴，有唔同鮮果（藍莓、士多啤梨、橙、火龍果、奇異果等等），亦有茶味，味道天然好好飲～
咁大杯兩個人share都得！
整體來講，環境咁有特色真係加晒分，食物質素都算唔錯，款式多，而且幾合大眾口味，定價又唔係好好貴，其實都值得一黎。
海鮮喇沙天使麵
$108
24 瀏覽
0 讚好
0 留言
海鮮喇沙天使麵
$108
49 瀏覽
0 讚好
0 留言
張貼
