影片
更多
2024-05-14
11 瀏覽
大滾友火鍋店裝修別致，令人有種穿梭現代回到古代嘅感覺，絕對係鍾意打卡嘅朋友必訪嘅火鍋店。火鍋店食材高質，擺盤精美，菜名搞鬼有趣，仲不時提供折扣優惠，深受街坊食客歡迎。玲瓏浮凸•花膠雞湯鍋（半隻）$328呢個花膠雞湯鍋簡直係女士恩物，湯鍋用上大量三黃雞，每天花6小時新鮮烹調而成，湯水色澤金黃，見到都感覺好滋補。雞件另上，皮脆肉軟、脂肪豐滿。侍應嚟到客人面前將一塊大過人面嘅厚身花膠剪成小塊，再放入湯鍋。除了雞味濃郁之外，仲含有大量骨膠原！大滾友牛肉拼盤（細）$428七種唔同類別及部位嘅牛肉整齊有緻地分別擺放喺特色器皿上：頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花，各有不同口感。牛小排、牛肩頸十分軟腍，黃喉、牛舌花偏爽口，牛肉粒牛味份外濃郁。伊比利亞橡果豬$228侍應端上皇帝冠冕造型嘅器皿，打開後煙霧彌漫，係乾冰嘅效果，映入眼簾嘅係一塊塊厚切嘅伊比利亞橡果豬肉，肉紋紋理分明，肉質肥美，餐廳將佢媲美為和牛嘅中等級數。大滾友雜菜拼盤$118雜菜拼盤包羅萬有，絕對能夠解決選擇困難症，又同時能夠食到唔同蔬菜嘅煩惱，生菜、油麥菜、娃娃菜、蕃茄、粟米、筍、
玲瓏浮凸•花膠雞湯鍋（半隻）$328
呢個花膠雞湯鍋簡直係女士恩物，湯鍋用上大量三黃雞，每天花6小時新鮮烹調而成，湯水色澤金黃，見到都感覺好滋補。雞件另上，皮脆肉軟、脂肪豐滿。侍應嚟到客人面前將一塊大過人面嘅厚身花膠剪成小塊，再放入湯鍋。除了雞味濃郁之外，仲含有大量骨膠原！
大滾友牛肉拼盤（細）$428
七種唔同類別及部位嘅牛肉整齊有緻地分別擺放喺特色器皿上：頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花，各有不同口感。牛小排、牛肩頸十分軟腍，黃喉、牛舌花偏爽口，牛肉粒牛味份外濃郁。
伊比利亞橡果豬$228侍應端上皇帝冠冕造型嘅器皿，打開後煙霧彌漫，係乾冰嘅效果，映入眼簾嘅係一塊塊厚切嘅伊比利亞橡果豬肉，肉紋紋理分明，肉質肥美，餐廳將佢媲美為和牛嘅中等級數。
大滾友雜菜拼盤$118
雜菜拼盤包羅萬有，絕對能夠解決選擇困難症，又同時能夠食到唔同蔬菜嘅煩惱，生菜、油麥菜、娃娃菜、蕃茄、粟米、筍、淮山、黑木耳、金菇、蓮藕等，集齊了最普遍又最多人喜歡嘅蔬菜種類。
龍蝦墨魚丸（四粒）$72
見到「龍蝦」、「墨魚」，都感覺到個彈性，肉眼都睇到墨魚丸入面包裹住龍蝦肉，外表光滑有光澤，口感十足！
自家製足料竹蔗茅根$78
竹蔗茅根水係餐廳自家製，感覺清涼解渴，少落糖，亦會健康啲。
會員迎新甜品出火豆腐花$0
新登記成為會員會獲送豆腐花，呢個出火豆腐花都十分有誠意，侍應端上木桶豆腐花後，會在面層倒上黃糖和淋上一層酒，再用火點着，火熄滅後，就可以享用豆腐花。會食到一陣焦糖和酒味，燒酒唔會嗆喉，反而覺得增加咗豆腐花嘅香氣。
醬介 $26@1
張貼
