Mamaday Studio (已結業)

呢間mamaday一直都hit爆成個油麻地，皆因佢啲環境同裝修都好靚，好有玩味，好適合後生仔女黎影靚相！😄平日下晝去唔算多人，我去到岩岩好有位，不過坐多陣就full晒。一兩個人應該唔難搵位，但三四個嘅可能都要等一陣。我同朋友各自叫左杯咖啡同蛋糕，雖然係堂食，但佢都會用紙杯咁上咖啡，呢一點我係有啲扣分...不過中肯講一句，啲咖啡都唔錯，幾好飲，同埋個紙杯個設計都幾得意😝跟住個mousse蛋糕我只可以話得個靚字。一味死甜，食到一半都唔想食了...但廢事做大嘥鬼，都夾硬食埋啦，真係超級唔推薦。其他蛋糕就唔知喇，但真係唔好叫呢個蛋糕...不過overall黎講環境真係幾唔錯，都幾舒服，同埋裝修好用心，又有啲懷舊野睇下，幾有趣。