春禧堂台灣料理餐廳 (已搬遷) 新店位置

早排睇完雜誌介紹，介紹中港城嘅打卡熱點，所以就過黎呢度行下，行完之後覺得有D肚餓，路過見到有間餐廳幾靚，就入左黎食野。門口已經見到有一個打卡點呢度地方都算大，人流唔多，所以坐得都好舒服。午餐嘅SET 都配有涼拌小食、小食同餐飲，小食我就簡左滷蛋。另外仲叫左D 小食，分別有鹽酥雞扒，鹽酥雞粒，同台灣腸。鹽酥雞扒炸得有D 乾，但鹽酥雞粒就完全唔同，有肉汁得黎再加上九層塔嘅香味，呢個值得推介。而台灣腸油脂感十足，咬落煙韌有口感，加埋蒜片一齊食更有台灣風味。肉燥飯加上左花椒去製成，所以味道幾特別，唔錯。