高興 (已結業)

觀塘工業大廈地下，仲要係過咗管理處，直走推防塵門，再經好似後走廊再向前行，見到有個高興的食物招牌才到。入到餐廳內，又是另一個境象。餐廳佈置成不同的懷舊老地方，有洗髮店、小巴牌、舊式拉閘、霓虹燈等，是打卡好地方。試過下午茶和晚餐，下午茶選了高興公司三文冶，餡料有別於一般，有燒雞肉和煙火腿，沙律菜和蕃茄，仲係多士添，唔肥膩又清新。晚餐試了海鮮意大利飯，意大利飯和海鲜是分開煑的。青口、蜆肉、蝦和帶子都是煎得很香脆，尤其蜆肉，很鮮味。意大利飯並非煑到咬落飯中會比較硬的意式飯的質感，全部飯都是軟淋，好creamy。抹茶Latte，一次拉花成心心，一次為天鵝，都好可愛。飲落好滑，抹茶味濃，唔太甜，值得推介。