影片
更多
2021-11-21
187 瀏覽
啓德站開左之後都未嚟過，今日就約左朋友嚟呢間餐廳試吓嘞！嚟到就覺得呢間餐廳好靚，好似去咗外國咁，後面嘅吧枱真係好適合打卡影相，而且啲位都坐得好舒服！呢度係外國人主理，睇左陣就叫左三個野食！煙三文魚沙律$140三文魚放得好靚，成朵花咁，超級有誠意，份量都超級多，除咗有沙律菜之外，仲有洋蔥、紅椒、黃椒、牛油果等等，所以食落有口感，層次又豐富，好味！墨西哥芝士餡餅（雞肉）$110呢個真係超級力推，本身嘅芝士餡餅包埋雞肉已經好好食，再加上佢個三個醬都超級夾！第一個係牛油果醬，本身已經好鍾意食牛油果，呢個醬都打得好好，好creamy !另外一個乳酪醬，酸酸地咁配埋個餡餅好夾，有第二種味道！蕃茄果個都唔差！蕃茄醬大蝦蘆筍意大利飯$140呢個意大利飯都好好食，好濃好夠味道，啲飯煙煙韌韌咁，配埋啲蘆筍口感好好，而且隻蝦大大隻，肉質鮮甜，真心唔錯！總結，呢度啲野食唔錯，又坐得舒服，如果鐘意打卡就更加要嚟嘞！
煙三文魚沙律$140
三文魚放得好靚，成朵花咁，超級有誠意，份量都超級多，除咗有沙律菜之外，仲有洋蔥、紅椒、黃椒、牛油果等等，所以食落有口感，層次又豐富，好味！
墨西哥芝士餡餅（雞肉）$110
呢個真係超級力推，本身嘅芝士餡餅包埋雞肉已經好好食，再加上佢個三個醬都超級夾！第一個係牛油果醬，本身已經好鍾意食牛油果，呢個醬都打得好好，好creamy !另外一個乳酪醬，酸酸地咁配埋個餡餅好夾，有第二種味道！蕃茄果個都唔差！
蕃茄醬大蝦蘆筍意大利飯$140
呢個意大利飯都好好食，好濃好夠味道，啲飯煙煙韌韌咁，配埋啲蘆筍口感好好，而且隻蝦大大隻，肉質鮮甜，真心唔錯！
總結，呢度啲野食唔錯，又坐得舒服，如果鐘意打卡就更加要嚟嘞！
張貼
