影片
更多
2021-08-22
522 瀏覽
餐廳鋪面比較細，去到佢叫我哋喺門口寫低資料等位，當時我感到有啲好奇，因為入邊明明仲有位。不過等咗10分鐘左右我就算啦。我哋分別嗌咗Oreo奶昔，自家製紅苺醬烤芝士治同埋蜜糖煙肉香蕉爆谷美式班戟。我哋搵唔到個餐具喺邊，於是就去問下侍應，佢好好人拎埋俾我哋。可能因為我哋嚟嘅時候比較忙，見到之後嘅客人佢哋都會推介，亦會提供口罩袋。但係我哋嗰陣就冇嘅。講返嘢食，紅苺醬烤芝士治，正正常常，一定要好快食，如果唔係就會硬。紅苺醬味道唔係好出，食唔到有咩特別。蜜糖煙肉香蕉爆谷美式班戟更為失望。雖然香蕉上面有焦糖，我覺得係幾好食。但係煙肉好咸，班戟質素真係令人好失望。班戟冇蛋香冇奶香，食落口只有麵粉味。口感死實。唯一比較好嘅係佢嘅奶昔，不過都係果句，飲奶昔又唔一定要去呢間嘅。感覺好似名不符實，有啲過分吹捧。可能佢只係一間打卡店。
我哋分別嗌咗Oreo奶昔，自家製紅苺醬烤芝士治同埋蜜糖煙肉香蕉爆谷美式班戟。
我哋搵唔到個餐具喺邊，於是就去問下侍應，佢好好人拎埋俾我哋。可能因為我哋嚟嘅時候比較忙，見到之後嘅客人佢哋都會推介，亦會提供口罩袋。但係我哋嗰陣就冇嘅。
講返嘢食，紅苺醬烤芝士治，正正常常，一定要好快食，如果唔係就會硬。紅苺醬味道唔係好出，食唔到有咩特別。
蜜糖煙肉香蕉爆谷美式班戟更為失望。雖然香蕉上面有焦糖，我覺得係幾好食。但係煙肉好咸，班戟質素真係令人好失望。班戟冇蛋香冇奶香，食落口只有麵粉味。口感死實。
唯一比較好嘅係佢嘅奶昔，不過都係果句，飲奶昔又唔一定要去呢間嘅。感覺好似名不符實，有啲過分吹捧。可能佢只係一間打卡店。張貼
