兩草 (白布街)

營業中

休息中

小店裝修好有特色，好似幾十年前既大排檔咁，好有風味，入到去都忍唔住周圍望下，係個打卡嘅好地方！食物方面，每樣嘅份量都唔多，可以試多唔同款式！1. 胡椒肉骨茶 $38比較偏向新加坡風味，因為新加坡嘅肉骨茶都係以黑胡椒做湯底，而黑胡椒都可以辟走豬骨嘅臊味！排骨都煮到幾腍，一碗大概一至兩個人嘅份量。2. 小籠包胡椒湯 $40湯底同肉骨茶一樣，小籠包就有四個，味道不過不失啦！3. 滑蛋叉燒飯 $40呢個滑蛋叉燒飯幾好食，蛋真係炒得幾滑，叉燒以半肥瘦為主，但係成個飯真係偏油，油膩感幾重！份量大概係正常嘅一碗飯，再以滑蛋叉燒蓋面。4. 蛋炒豬腸粉 $27蛋嘅份量唔多，但係腸粉煎得好香，成個腸粉都比較油。