餓居

營業中

休息中

上星期謙謙一考完試我就同佢去左一間座落係太子區的日式居酒屋到食野，佢地裝修佈置以日式為藍本，傳統嘅鳥居仲有櫻花樹，又有打卡位燈籠牆。大家快d睇下我地可以喺櫻花樹下叫左咩美食。⬇️⬇️⬇️✡️ 炸蝦膠冬菇 ～ 估唔到蝦膠釀入去冬菇到一齊拎去炸，出來效果會咁夾喎！ ✡️ 忌廉粟米流心脆餅 ～ 外邊炸到卜卜脆裡面係流心嘅忌廉粟米，層次夠分明。✡️ 關東煮烏冬定食 ～ 湯底香甜， 白蘿蔔冇渣，蒟蒻好彈牙，仲有雞蛋，芝士福袋， 獅子狗等烏冬掛湯力一流。✡️ 雞扒飯定食 ～ 雞扒入味嫩滑， 配飯一流。✡️ 乳酪慕斯兔仔 ～ 造型和口感都係一流，入口甜甜地帶點酸食完好清涼。✡️ 迷你雲呢拿泡芙 ～ 咁熱的天氣食泡芙真係好正，一咬冰凍的雲呢拿雪糕衝擊味蕾，當場涼快。✡️ 紅葡萄汁 ✡️ 石榴汁