반찬앤쿡 Banchan and Cook (東薈城名店倉)

營業中

休息中

同朋友黎慶祝生日，個Tasty Treat影相好colorful，shopping 完有地方抖抖。今期係壽星女最愛嘅甘荀做主題，主食揀左咖哩甘荀蛋包飯配漢堡扒，蛋香軟熟，日式咖喱好香，店員一反開蛋帽，好吸引，漢堡扒好厚肉，飯底甜甜地好好食。甘荀汁香煎豬扒長通粉係招牌野，汁底有甘荀甜，豬扒超薄又脆嘅脆皮，包住入面juicy嘅豬扒。呢個燒醬油黑毛豬白切肉配大醬生菜岩哂我，黑毛豬半肥瘦，好香，入口一d肥膩感都無，用菜、蒜、大醬包住食超滿足。呢度d drinks都好特別，一路飲焦糖芝士山咖啡，首先會飲到焦糖甜，然後強烈芝士，繼而咖啡，好多重嘅味道。Melting Choco都唔錯的，好香濃朱古力味，唔會死甜。有d cute，春日小甘荀芝士蛋糕有個紅籮蔔仔裝飾，先食到甘荀味之後係芝士蛋糕味，幾mousse。