Cafe Terrace (已結業)

同朋友行開尖沙嘴。想搵個地方high tea 講下八掛野。適逢見到Openrice 呢間餐廳充滿打卡位置，而且仲有三層嘅八婆下午茶添（明明叫貴婦下午茶🤣）。簡直就燃起姨姨嘅粉紅色少女心。最底層熱盤，有芝士焗青口。味道唔錯。芝士亦都落足。雞肉串亦唔會好乾身。值得一讚。雞槌亦都啖啖肉。中層個三文魚他他配魚子好食，雞尾酒蝦，蝦肉帶少少酒香而且蝦肉結實。蟹肉磨菇酥亦都好鬆軟。上層就係甜品。冬甩🍩有驚喜，🍓中間有🍓醬，🍫中間有🍫醬，奶凍唔太甜，鬆餅就比較一般。Mocha味道唔錯。Rose tea亦都好重玫瑰味。整體來講打卡呃like一流，可惜我地去個日落雨又凍，而且坐室外。食完因為太凍而放棄瘋狂打卡呃like。地點都唔難搵，喺海防道經海利行上樓梯一出就係。下次天氣無咁凍一定會再去食。