My Ahjussi (已結業)

話說尋日係大角咀做完野諗住買外賣返屋企嘆下 正常心思思唔知食乜好之際 見到大角咀開左間試業中既韓式cafe 仲剩返少少少女心既我俾佢個門面吸引左喇入到去發現唔單止門面靚 裡面裝修都好有心思 好夢幻 最衰應承左屋企果件買外賣返去陪佢食 如果唔係我一定坐低慢慢嘆 重拾返d少女情懷午餐menu: 食物選擇都算多 有飯 有意粉 有burger 另外仲有炸雞同pizza供應 順帶一提 而家不論堂食同外賣都有八折優惠是日推介既黃金鹹蛋炸雞 店員都highly recommend 決定試試佢！果然冇令我失望！經歷完大塞車拎到返去仲係好好食！外脆內嫩 仲有佢個起晒沙既黃金鹹蛋外皮 好惹味 好食到停唔到口 食到吮晒骨 儀態？！咩黎嫁? 食得ga?第一視覺咬開埋俾你睇 裡面d雞肉好嫩滑 好juicy 除此之外仲嗌左個軟殼蟹忌廉汁意粉 用左原隻軟殼蟹 值回票價！ 同炸雞一樣都係做到外脆內juicy 非常出色 拎到返屋企仲係好好食  意粉亦好creamy黎個大合照先！值得一讚既係就算係外賣佢都有配埋3款韓式前菜：有泡菜 芽菜同埋青瓜 非常細心食咁多炸野 用黎消滯同埋清新下味蕾就岩晒 好後悔冇堂食呀！ 已經約好