金所 (已結業)

聽聞呢間白布烏冬夜晚成日都要排隊，仲要好早就截龍，平日晏晝經過見到條龍唔算長，決定排一排試下！排第2，以為好快入得，點知都要等成20分鐘！入去前職員會先幫你量體溫，入坐後會比個袋你放口罩，都算細心。叫左個雞肉入沾白布烏冬，等左十分鐘就食得。湯底係鰹魚湯，甜甜地，烏冬有7大塊，雞肉份量比較少。烏冬口感好滑，比較難夾同擺入口🤣 ，好考筷子功。朋友話好似食緊餃子皮嚟塞飽個肚咁🤔。總括嚟講，味道一般，分量較少，咁熱仲要排隊，呢個價錢係大角咀應該有更多更好既選擇，嚟過一次打卡就夠。