影片
更多
2022-04-04
58 瀏覽
平日幫襯西式Cafe就多，韓式Cafe係香港而言又好似真係唔多。Wuli Cafe單從店名都略知帶有韓國元素，皆因Wuli正正係韓文「我們」嘅意思。餐廳地方比想像中要細好多，廚房對出嘅位置同枱都比較窄，部分座位舒適度欠奉。雖然店外有打卡位，但對正大馬路，甚有食塵嘅感覺，唔太建議大家影太耐。全日韓國早餐 $88碟內有韓國午餐肉條、泡菜蛋捲、雞菇、烤年糕、牛角包、泡菜同沙律，唔少配料都換上具韓式元素嘅食物。蛋捲口感幾特別，有泡菜爽脆嘅口感，但食落唔辣；烤年糕唔夠軟腍，辣度唔香賦唔入味；午餐肉條無咩特別。整體而言除咗賣相吸引，味道唔夠吸引，唔太推薦。韓式辣醬魚糕雞肉扁意粉 $88意粉靈感源於韓國忌廉卡邦尼辣雞麵，醬汁以韓式經典辣醬混合忌廉，另加入韓國魚糕。意粉屬可接受嘅辣度，帶少許甜味。可惜整體味道偏淡，鹹度亦欠奉。阿華田脆脆波波鬆餅配朱古力醬 $78圓碌碌嘅鬆餅賣相可愛，選用一口大小嘅尺寸。夾心蘊含阿華田脆脆，外層淋上朱古力醬同忌廉作點綴，透出少許麥芽甜味。呢款甜品頗有驚喜，值得一試。自家製南瓜忌廉芝士慕斯配海鹽芝士奶蓋 $48慕斯賣相宛如切件芝士，本來對佢好有期望，但味道唔太吸引到我。南
全日韓國早餐 $88
碟內有韓國午餐肉條、泡菜蛋捲、雞菇、烤年糕、牛角包、泡菜同沙律，唔少配料都換上具韓式元素嘅食物。蛋捲口感幾特別，有泡菜爽脆嘅口感，但食落唔辣；烤年糕唔夠軟腍，辣度唔香賦唔入味；午餐肉條無咩特別。整體而言除咗賣相吸引，味道唔夠吸引，唔太推薦。
韓式辣醬魚糕雞肉扁意粉 $88
意粉靈感源於韓國忌廉卡邦尼辣雞麵，醬汁以韓式經典辣醬混合忌廉，另加入韓國魚糕。意粉屬可接受嘅辣度，帶少許甜味。可惜整體味道偏淡，鹹度亦欠奉。
阿華田脆脆波波鬆餅配朱古力醬 $78
圓碌碌嘅鬆餅賣相可愛，選用一口大小嘅尺寸。夾心蘊含阿華田脆脆，外層淋上朱古力醬同忌廉作點綴，透出少許麥芽甜味。呢款甜品頗有驚喜，值得一試。
自家製南瓜忌廉芝士慕斯配海鹽芝士奶蓋 $48
慕斯賣相宛如切件芝士，本來對佢好有期望，但味道唔太吸引到我。南瓜蓉經過烤製，但都唔太食到南瓜香。芝士慕斯另有海鹽芝士奶蓋同焦糖餅碎，入口帶有芝士鹹味，但細嚐下慕斯無咩層次感，感覺非常普通。
Crazy Chocolate $44
飲品面層設有豐盈泡沫、朱古力醬同朱古力粉，不過飲用時會略顯狼狽，因為朱古力醬會淋出杯邊。拌勻後意外地唔會覺得過膩，甜度適中。
張貼
