牛之館 (已結業)

今日收工喺旺角同朋友搵嘢食，突然好想食打邊爐🍲見到旺角文華商場附近有間新開嘅打邊爐放題，就決定入去試吓。佢哋有唔同嘅套餐選擇我哋就揀咗個最多選擇嘅套餐，一共有24個邊爐配菜可以叫，全部都係用QR code自助落單，非常方便而且上菜嘅速度都幾快！除咗QR code落單之外出面仲有好多自助嘢食，佢有好款類嘅熟食，例如麻婆豆腐、午餐肉撈丁仲有一些素菜！除咗熟食之外，仲有好多丸類同埋蔬菜😍佢哋嘅湯底有八款俾你揀有辣有唔辣有養生湯等等，我哋今次就揀咗金銀蒜蛤蜊雞鍋，我覺得佢雞嘅份量都有半隻，建議如果好肚餓好肚餓就可以全日淨係食一餐🤣講返佢哋啲牛肉，我哋叫咗個和牛肩胛肉眼芯，超級有驚喜，估唔到呢個價錢可以食到咁高質嘅牛肉仲要係放題！佢哋牛肉切到好簿片，紋理非常清晰，而且雪花都好平均 ！如果好鍾意食放題打邊爐嘅朋友一定要去試吓❤️