Infiniti C (已結業)

西環唔經唔覺都有好多新嘅咖啡店不過西營盤多過堅尼地城，喺科士街同埋爹核士街交界已經有一間頗有名氣嘅鬼佬咖啡室。開淨喺佢隔離係一間外面睇落去好似好童話式入到去又有小小raw嘅cafe. 外邊有一支街燈同埋一個長櫈我覺得有少少格格不入。如果你坐係窗邊嘅位置你會同途人嘅距離零接觸，要有心理準備。店舖入邊亦都有少少唔夠闊落嘅感覺。鋪頭嘅人招呼到好好，亦都夠人手。星期六中午落咗去睇下佢有咩搞作，咖啡都係意式咖啡為主。我叫咗杯Skimmed Cappuccino, 奶都算打得滑，咖啡豆飲唔出有特別香味，有小小bland. 杯咖啡OK啦我expect 多咗。呢間餐廳啲嘢食都係行健康路線，我亦都叫左個Coconut Milk Chai Seed pudding. 初頭食幾好味，不過食食吓有啲濟。分量有少少多。我覺得有進步空間不過都不妨一試。