「迆」雪糕專門店 (已結業)

迆雪糕主打純素雪糕，即冇奶成分，但雪糕筒就係奶素，所以如果有需要，可以係落單時講明要純素雪糕杯。店舖設計簡約，有座位可以坐低食。檸檬茶味 配乾檸檬片 拼話梅雪條 ($46)口感冇一般軟雪糕咁滑，少少似雪葩。開頭食好有飲凍檸茶嘅感覺，但愈食愈酸，都係少食多滋味。話梅雪條好似手指咁長，份量適中，味道鹹鹹哋，好有話梅嘅味道。芝麻豆腐味 配雙色玄米脆脆 ($38)主要係芝麻味。朱古力鬆餅 ($18)外皮烘得脆口，味道有少少甜。