Purple Cafe (已結業)

最近見到好多人嚟呢間新開嘅purple Cafe，我就梗係要嚟影吓相打卡啦🤗去到門口就已經見到啲紫色嘅裝飾，打開門更加係一片紫色嘅世界～充滿夢幻效果！晚市二人套餐$388包含兩款主食+兩杯飲品+甜品🍮蟹柳明太子意粉🍝扁意粉軟硬適中，唔會太淋，明太子、紫菜絲同埋蟹柳配上忌廉汁撈埋一齊，有少少和風嘅感覺，味道都唔錯。帶子蘑菇意大利飯白汁底好creamy，意大利飯口感偏硬少少。帶子如果大隻啲就更好。香芋波波鮮奶賣相一流，上面有cream，底下係漸變紫色嘅香芋味鮮奶，同環境非常之配合，飲落有淡淡的香芋味道，波波彈牙有咬口。超級水果茶滿載夏日新鮮水果，散發住果香在配搭茶味，口感清爽。