Vie Won Won (已結業)

好朋友星期二終於收到等左好耐嘅升職消息，即刻book咗星期五同佢黎呢間之前已經想試嘅鬼混同佢食lunch 慶祝🎉餐廳位置非常方便，我哋在香港大學地鐵站B2出口行大約兩分鐘就已經到達餐廳。餐廳一共有兩層，地下位置非常Chill，好適合打卡。我哋怕熱，所以店員安排我哋坐樓上位置，好彩我哋預先book位，因為lunch hour餐廳都座無虛席，可能大家諗住TGIF要食返餐好😜午餐選擇非常豐富，每個主菜都會有沙律/湯同咖啡茶，或者加錢飲其他特飲。朋友負責拍板，beef lover嘅佢揀咗7oz牛腰脊肉配白菌燒汁，同其他餐廳比較少見嘅芝士海鮮龍蝦焗麵包。我哋兩個都叫咗沙律，沙律菜非常新鮮，仲有柚子同蕃茄仔伴碟，炎炎夏日食就非常適合。