Be Leaf (已結業)

上星期五去接男朋友放工，順便打算係觀塘搵間餐廳食埋晚飯☺️見到呢間花海cafe好靚好啱打卡！ 雖然同男朋友既公司有啲距離但都果斷想試下！💪🏻💪🏻 當日即刻openrice預約🤭好彩有位🙌🏻😼兩個人叫左一個主食加錢轉左set，加埋一份小食同甜品！啱啱好😌😌🫶🏻［磨菇忌廉湯配香草麵包］ 晚餐叫一款主食加58蚊就有埋湯同飲品，磨菇湯味道好濃厚，唔好睇個香草麵包仔🥖😌 細細塊但配埋個湯啱啱好中和番個味！唔錯唔錯😄［芝士薯條配黑松露醬］一大盤面頭加左芝士粉，炸到脆卜卜既薯條，一啖點黑松露醬一啖點蕃茄醬🥰啲薯條話禁快就同男朋友食曬落肚🤭［玫瑰鹽香烤原隻野生加勒比海龍蝦尾配海膽醬燴意大利飯］話睇個名都feel到呢個意大利飯有幾豐富！果斷揀左呢個主食！ 見到隻蝦真係大大條原隻上🤤加埋海膽醬，就知道呢個飯冇嗌錯！ 兩個字！正！［鮮奶抹茶latte］個拉花好靚✨ 抹茶味好重！掂！［泰式班蘭巴斯克烤微焦芝士蛋糕］未試過班蘭味既巴斯克蛋糕🍰，食落唔算好出但有少流心！好食😋