茶閒裡

營業中

休息中

放假同朋友嚟啟岸吃頓午餐，選了這家主打茶飲及中式健康餐嘅「茶閒裡」。茶館位於商場 1 樓，裝潢以木系為主調，落地玻璃窗配木條設計，下午時份微微透光，加上植物襯托，環境輕鬆寫意，打卡一流！點咗個中式健康套餐：黑椒穀飼牛仔粒、番茄炒蛋、清炒菠菜、雜糧飯 配 糯香普洱。牛仔粒非常軟腍，牛肉味相當濃郁，而且份量都幾多。雞蛋炒得啱啱好，入口唔會過老。菠菜不油不膩，雜糧飯煙韌富嚼勁，配埋帶糯米香嘅冰涼普洱，絕對係健康之選。友人點咗客雞肉蕎麥麵套餐，材料有雞肉、油揚、紅蘿蔔同紹菜，雞肉滑嫩鮮美，蕎麥麵彈牙清香，沾上微酸嘅蕎麥麵汁，增添層次。本來仲想食甜品，不過見客人越嚟越多，幾乎全店滿座，服務員做到踢曬腳，唯有留待下次。