Lúa (已結業)

我地點咗一個晚市套餐，套餐包括前菜、小食、輕量主菜、甜品同飲品。另外再點咗經典越南法包、蔗蝦串配生菜同鮮芒芭菲。越南金柚沙律金柚配以青瓜絲同甘筍絲，口感清爽，辣辣地幾開胃。越南大蝦米紙卷越南米紙卷食落煙韌彈，米紙內裡包著生菜、大蝦、扎肉、檬粉、甘筍絲同青瓜絲，蘸埋醬汁，味道更豐富。蟹肉臘腸炒飯雖然係輕量版，但蟹肉份量都幾多，米飯炒到粒粒分明，配埋臘腸同芝士醬，十分邪惡。班蘭千層糕千層糕入口軟糯，表面淋滿椰子漿，香甜又彈牙。熱情果菠蘿綠茶熱情果同菠蘿味道相當夾，淡淡綠茶清香，解膩一流。經典越南法包法包即叫即烘，脆得黎又𠱸唔會好硬，餡料有扎肉、秘製豬肝醬、醃製蘿蔔、青瓜等等，滿滿豬肝醬，味道非常豐富。蔗蝦串配生菜蔗蝦炸至金黃色，蝦肉吸收咗甘蔗嘅味道，清甜爽口，蘸埋醬汁更惹味。鮮芒芭菲芭菲分為幾層，每層材料都唔同，包括有芒果粒、蝴蝶酥、椰子奶蓋、寒天、迷你蜂蜜蛋糕、原味麻糬等等，每層都有唔同驚喜，每啖都好滿足。