Tapa Room (積福大廈)

營業中

休息中

最近去左銅鑼灣一間酒吧餐廳「Tapa Room」，一開始被餐廳嘅環境所吸引，估唔到食物都好有驚喜！食物：我哋總共叫左六款食物《薄切慢煮八爪魚》- 口感柔嫩唔韌，配上獨特醬汁，好味😋《棒棒鵝肝》- 鵝肝味非常香濃，咸度略高。《薄切吞拿魚》- 賣相一流，而且吞拿魚新鮮唔腥。《巴塞隆拿式烤紅蝦》- 醬汁非常香濃而且蝦肉鮮嫩，係我最喜歡嘅一道菜！《西班牙黑毛豬肉丸》- 肉丸保留住肉汁同鮮味！如果唔係炸嘅會更好！《烤煎慢煮西班牙黑毛豬鞍架配些厘醋燒汁伴炸薯粒》- 肉質鮮嫩唔會太肥，食多幾件都唔覺滯，賣相同味道都唔錯！環境：呢間係酒吧餐廳，適合收工飲酒食飯傾偈！設計帶有工業風，門口仲有個好靚嘅打卡位。服務： 侍應非常有禮貌，服務很好👍🏻